“Өзбекнефтьгаз” АЖ басқармасы баслығы Абдугани Сангинов “Boston Consulting Group” халықаралық консалтинг компаниясы ўәкиллери менен ушырасыў өткерди.

Онда нефть-газ тармағында әмелге асырылып атырған реформалар, тараўды модернизациялаў ҳәм нәтийжелиликти арттырыўға қаратылған басламалар додаланды. Атап айтқанда, геологиялық үйрениў, углеводород ресурсларын қазып алыў, қайта ислеў, сақлаў ҳәм сатыў процесслерин жетилистириўде стратегиялық консалтинг хызметлеринен пайдаланыў имканиятлары көрип шығылды.

Тәреплер атап өткениндей, нефть-газ санаатында алдынғы басқарыў тәжирийбелерин енгизиў, өндирис процесслериниң нәтийжелилигин арттырыў ҳәм халықаралық стандартларға сәйкес инновациялық шешимлерди енгизиў әҳмийетли есапланады.

Жәмийеттиң мәлимлеме хызметиниң хабарына бола, сөйлесиўлердиң жуўмағында тәреплер бар бирге ислесиў имканиятларын және де терең үйрениў, тийкарғы бағдарлар бойынша анық жойбарларды қәлиплестириў ҳәм бирге ислесиўдиң потенциал форматларын ҳәр тәреплеме көрип шығыўға келисип алды.

Н.Зиёдуллаева, ӨзА