“Ózbekneftgaz” AJ basqarması baslıǵı Abdugani Sanginov “Boston Consulting Group” xalıqaralıq konsalting kompaniyası wákilleri menen ushırasıw ótkerdi.
Onda neft-gaz tarmaǵında ámelge asırılıp atırǵan reformalar, tarawdı modernizaciyalaw hám nátiyjelilikti arttırıwǵa qaratılǵan baslamalar dodalandı. Atap aytqanda, geologiyalıq úyreniw, uglevodorod resursların qazıp alıw, qayta islew, saqlaw hám satıw processlerin jetilistiriwde strategiyalıq konsalting xızmetlerinen paydalanıw imkaniyatları kórip shıǵıldı.
Tárepler atap ótkenindey, neft-gaz sanaatında aldınǵı basqarıw tájiriybelerin engiziw, óndiris processleriniń nátiyjeliligin arttırıw hám xalıqaralıq standartlarǵa sáykes innovaciyalıq sheshimlerdi engiziw áhmiyetli esaplanadı.
Jámiyettiń málimleme xızmetiniń xabarına bola, sóylesiwlerdiń juwmaǵında tárepler bar birge islesiw imkaniyatların jáne de tereń úyreniw, tiykarǵı baǵdarlar boyınsha anıq joybarlardı qáliplestiriw hám birge islesiwdiń potencial formatların hár tárepleme kórip shıǵıwǵa kelisip aldı.
N.Ziyodullaeva, ÓzA