Беларусь Республикасы Бас министри Александр Турчин басшылығындағы ҳүкимет делегациясы рәсмий сапар менен Өзбекстанда болады.

Беларусь ҳүкимети баспасөз хызметиниң хабар бериўинше, Ташкентке сапар етиў шеңберинде Өзбекстан-Беларусь исбилерменлер кеңесиниң төртинши мәжилиси ҳәм бизнес-форум өткерилиўи режелестирилген. Еки күнлик сапар бағдарламасынан ҳүкимет басшылары дәрежесиндеги сөйлесиўлер, бир қатар санаат кәрханаларына сапарлар да орын алған.

Жоқары дәрежедеги ушырасыўларда еки мәмлекет арасындағы саўда-экономикалық ҳәм инвестициялық бирге ислесиўди раўажландырыў мәселелери додаланады. Санаат кооперациясын кеңейтиў, исбилерменлик байланысларын беккемлеў ҳәм биргеликтеги жойбарларды алға қойыў мәселелерине айрықша итибар қаратылады.

Азиза АЛИМОВА, ӨзА