Беларусь Республикаси Бош вазири Александр Турчин бошчилигидаги ҳукумат делегацияси расмий ташриф билан Ўзбекистонда бўлади.

Беларусь ҳукумати матбуот хизматининг хабар беришича, Тошкентга ташриф доирасида Ўзбекистон-Беларусь ишбилармонлар кенгашининг тўртинчи йиғилиши ва бизнес-форум ўтказилиши режалаштирилган. Икки кунлик ташриф дастуридан ҳукумат раҳбарлари даражасидаги музокаралар, қатор саноат корхоналарига ташрифлар ҳам ўрин олган.

Олий даражадаги учрашувларда  икки мамлакат ўртасидаги савдо-иқтисодий ва  инвестициявий ҳамкорликни ривожлантириш масалалари муҳокама қилинади. Саноат кооперациясини кенгайтириш, ишбилармонлик алоқаларини мустаҳкамлаш ва қўшма лойиҳаларни  илгари суриш масалаларига алоҳида эътибор қаратилади.

Азиза Алимова, ЎзА