Быйылғы жылы өз алдына футбол бойынша Өзбекстан Супер-лигасына шығыўды мақсет еткен Нөкистиң «Арал» клубы ҳәзирги ўақытта Ташкент қаласында жаңа мәўсимге басқа командалар менен жолдаслық  ойын өткериў арқалы пуқта таярлықлар көрмекте.

Атап айтқанда, командамыз 19-февраль күни көп жыллардан берли Супер-лигада ойнап киятырған Мубаректиң «Машъал», 21-февраль күни Про-лигада жеңимпазлық ушын тийкарғы даўагер Бекабадтың «Металлург», 22-февраль күни Тәжикстан жоқарғы лигасының ўәкили «Эсхата» командалары менен өз-ара жолдаслық ойын өткерди.

«Машъал»ға қарсы өткерилген ойында 3:0 есабында жеңиске ерискен Нағметулла Қутыбаевтың шәкиртлери, «Металлург» пенен болған ушырасыўда теңбе-тең ойнады. Есап 3:3.

Тәжикстан жоқарғы лигасының ўәкили «Эсхата» клубы менен өткерилген  ойында да командамыз ағзалары өзлериниң шеберликлерин көрсетип, 2:0 есабында жеңиске еристи.

Ҳәзирги ўақытта оқыў-шынығыў жыйыны даўам етпекте.

Адилбай Оразов,

                                               Қарақалпақстан хабар агентлиги шолыўшысы