2026-жылдың басында Өзбекстан туризм тараўында және бир әҳмийетли нәтийжени атап өтти. Январь айының өзинде мәмлекетке дерлик 1 миллион сырт ел пуқарасы келди.

Бул көрсеткиш тек ғана тараўдағы унамлы динамиканы емес, ал Өзбекстанның халықаралық туристлик бағдар сыпатында тартымлылығы артып атырғанын да айқын көрсетпекте.

Өзбекстан Республикасы Миллий статистика комитетиниң мағлыўматларына бола, 2026-жылдың январь айында 950 278 сырт ел пуқарасы туристлик мақсетлерде Өзбекстанға келген.

Атап өтилиўинше, бул көрсеткиш 2025-жылдың сәйкес дәўирине салыстырғанда 271,6 мыңға ямаса дерлик 40 процентке артқан.

Январ айында Өзбекстанға ең көп турист Қырғыз Республикасы (282 798), Тәжикстан (244 373), Қазақстан (207 858), Россия (69 070), Аўғанстан (43 572), Түркменстан (28 150), Қытай (25 666), Түркия (12 740), Ҳиндстан (6 095), Корея Республикасы (3 237) нан келген.

Ҳамроз Баянов, ӨзА