Өзбекстан ҳәм Армения Орайлық банклери арасында бирге ислесиў ҳаққындағы Меморандумға қол қойылды.

Бул Меморандум еки мәмлекет Орайлық банклери арасында пул-кредит сиясаты, төлем системалары, финанслық технологиялар, жойбарлар ҳәм мағлыўматларды басқарыў, соның ишинде, Suptech ҳәм Regtech бағдарлары, сондай-ақ, банклер ҳәм банк емес кредит шөлкемлериниң жумысын қадағалаў мәселелери бойынша өз-ара бирге ислесиўди әмелге асырыўға хызмет етеди.

Ҳүжжет Орайлық банклер арасында профессионал қарым-қатнасты раўажландырыў, биргеликтеги ушырасыўлар, оқыў илажлары, семинарлар ҳәм танысыў сапарларын шөлкемлестириў, сондай-ақ, билим ҳәм алдынғы тәжирийбе алмасыўды хошаметлеў мақсетинде қол қойылған.

Соның менен бирге, Меморандум мәлимлеме алмасыў бойынша анық принциплерди белгилеп, бирге ислесиў нызамлы ҳәм нәтийжели тийкарда, жасырынлық талапларына қатаң әмел еткен ҳалда әмелге асырылыўын тәмийинлейди.

Ш.Маматуропова, ӨзА