Ózbekstan hám Armeniya Oraylıq bankleri arasında birge islesiw haqqındaǵı Memorandumǵa qol qoyıldı.
Bul Memorandum eki mámleket Oraylıq bankleri arasında pul-kredit siyasatı, tólem sistemaları, finanslıq texnologiyalar, joybarlar hám maǵlıwmatlardı basqarıw, sonıń ishinde, Suptech hám Regtech baǵdarları, sonday-aq, bankler hám bank emes kredit shólkemleriniń jumısın qadaǵalaw máseleleri boyınsha óz-ara birge islesiwdi ámelge asırıwǵa xızmet etedi.
Hújjet Oraylıq bankler arasında professional qarım-qatnastı rawajlandırıw, birgeliktegi ushırasıwlar, oqıw ilajları, seminarlar hám tanısıw saparların shólkemlestiriw, sonday-aq, bilim hám aldınǵı tájiriybe almasıwdı xoshametlew maqsetinde qol qoyılǵan.
Sonıń menen birge, Memorandum málimleme almasıw boyınsha anıq principlerdi belgilep, birge islesiw nızamlı hám nátiyjeli tiykarda, jasırınlıq talaplarına qatań ámel etken halda ámelge asırılıwın támiyinleydi.

Sh.Mamaturopova, ÓzA