Ташкент қаласында оқыў-шынығыў жыйынларын өткерип, жаңа футбол мәўсимине таярланып атырған Нөкистиң «Арал» клубы және бир неше жолдаслық ойынларда қатнасты.

Атап айтқанда, командамыз ағзалары Қырғыз Республикасының «ОшМУ-Алдиер» клубы менен 0:0 ойнаған болса, бүгин Про-лиганың жаңа ўәкили Самарқанд ўәлаятының «Каттақўрғон» клубын 1:0  есабында жеңип шығыўға миясар болды.

Ушырасыўдағы жеңис тобын «Арал» клубының россиялы легионери Марк Краснов урыўға еристи.

Командамыздың оқыў-шынығыў жыйынлары еле даўам етпекте.

Адилбай Оразов,

Қарақалпақстан хабар агентлиги шолыўшысы