Өзбекстанда мәмлекетлик социаллық қамсызландырыў системасын басқышпа-басқыш раўажландырыў ҳәм жумыстан босаў напақасын Социаллық қамсызландырыў қоры арқалы төлеў механизмлерин енгизиўге айрықша итибар қаратылмақта.

Усы мақсетте мәмлекетимиз қәнигелеринен ибарат делегация халықаралық тәжирийбени үйрениў ҳәм системаны жетилистириў ушын Малайзияға барды.

Делегация қурамына Социаллық қорғаў миллий агентлиги, оның жанындағы Мәмлекетлик социаллық қамсызландырыў қоры ҳәм Кәмбағаллықты қысқартыў ҳәм бәнтлик министрлигиниң ўәкиллери киргизилди. Сапар Азия раўажланыў банки менен биргеликте шөлкемлестирилди.

Сапардың биринши күни Малайзияда мәмлекетлик социаллық қамсызландырыў ҳәм жумысты жойытқан жағдайда қамсызландырыў системасының институционаллық структурасы, басқарыў әмелияты ҳәм әмелий механизмлерин үйрениўге бағышланды.

Малайзия Инсан ресурслары министрлиги, Социаллық қорғаў шөлкеми (PERKESO), Экономика ҳәм Қаржы министрликлери, Инсан ресурсларын раўажландырыў корпорациясы және басқа да тийисли уйым ҳәм шөлкемлердиң ўәкиллери менен ушырасыўлар өткерилди.

Сөйлесиў даўамында мәмлекетлик сиясатты қәлиплестириў, қамсызландырыў төлемлерин админстрациялаў ҳәм төлемлерди әмелге асырыўда ўәкилликлерди анық бөлистириў мәселелери додаланды.

Сондай-ақ, жумыстан босатыў жағдайында социаллық қамсызландырыўдың пуқаралардың дәраматларын қорғаўдағы роли айрықша атап өтилди.

Малайзия тәжирийбеси Өзбекстанда “Мәмлекетлик социаллық қамсызландырыў ҳаққында”ғы нызамның үшинши басқышын әмелге асырыўда қолланылыўы режелестирилмекте. Атап айтқанда, жумыстан босатылған жағдайда напақаларды Социаллық қамсызландырыў қоры арқалы төлеў системасында финанслық турақлылық, социаллық әдиллик ҳәм рәсмий бәнтликти хошаметлеў принциплери есапқа алынады.

Сапар шеңберинде алынған халықаралық тәжирийбе мәмлекетлик социаллық қамсызландырыў системасын жетилистириў ҳәм напақаларды өз ўақтында ҳәм әдил түрде төлеўде қолланылады. Соның менен бирге, системаның институционаллық структурасы ҳәм басқарыў әмелиятын жетилистириў арқалы пуқаралардың социаллық қорғалыўын беккемлеў имканиятлары жаратылмақта.

Муҳайё Тошқораева, ӨзА