Халықтың, әсиресе, экономика тармақларының энергия ресурсларына болған талабын жақсылаў мақсетинде “ACWA POWER” компаниясы менен биргеликте Қоңырат, Қараөзек ҳәм Беруний районларында қуўатлылығы 7,2 мың мегаваттлық улыўма баҳасы 8 миллиард 600 миллион доллар болған гигант самал электр станциялары қурылмақта.

Өткен жылы усы компания тәрепинен әмелге асырылып атырған самал электр станциясын шөлкемлестириў жойбарының Қараөзек районы Қойбақ мәҳәллесинде Нөкис-1 проекти иске түсирилген еди. Улыўма баҳасы 107 миллион доллар қуўатлылығы 100 мегаваттлық жойбар шеңберинде ҳәр бириниң қуўатлылығы 6 ярым мегаватт болған 16 самал турбина генераторлары қурылыўы нәтийжесинде ҳәр жылы 350 миллион киловатт/саат электр энергиясы ислеп шығарылыўына имканият жаратылды. Орташа 100 миллион куб тәбийғый газ үнемленип, ҳаўаға 180 мың тонна карбонат ангидрид газы шығындыларының тарқалыўының алды алынды.

Қарақалпақстан хабар агентлиги