Xalıqtıń, ásirese, ekonomika tarmaqlarınıń energiya resurslarına bolǵan talabın jaqsılaw maqsetinde “ACWA POWER” kompaniyası menen birgelikte Qońırat, Qaraózek hám Beruniy rayonlarında quwatlılıǵı 7,2 mıń megavattlıq ulıwma bahası 8 milliard 600 million dollar bolǵan gigant samal elektr stanciyaları qurılmaqta.
Ótken jılı usı kompaniya tárepinen ámelge asırılıp atırǵan samal elektr stanciyasın shólkemlestiriw joybarınıń Qaraózek rayonı Qoybaq máhállesinde Nókis-1 proekti iske túsirilgen edi. Ulıwma bahası 107 million dollar quwatlılıǵı 100 megavattlıq joybar sheńberinde hár biriniń quwatlılıǵı 6 yarım megavatt bolǵan 16 samal turbina generatorları qurılıwı nátiyjesinde hár jılı 350 million kilovatt/saat elektr energiyası islep shıǵarılıwına imkaniyat jaratıldı. Ortasha 100 million kub tábiyǵıy gaz únemlenip, hawaǵa 180 mıń tonna karbonat angidrid gazı shıǵındılarınıń tarqalıwınıń aldı alındı.

Qaraqalpaqstan xabar agentligi