Ҳеш бир тараў тәжирийбе алмасыўысыз жетик раўажлана алмайды. Әсиресе, турақлы үйрениў ҳәм излениў талап етилетуғын билимлендириў системасында бул жүдә әҳмийетли. Усы мақсетте соңғы жыллары бул системада халықаралық бирге ислесиўлер кеңейип бармақта.

Қуўанышлы тәрепи сонда, бул өзиниң унамлы нәтийжесин берип, енди халықаралық майданда Өзбекстан билимлендириўи де мүнәсип орынларды ийелемекте.

Әзербайжан Республикасында Өзбекстан жоқары билимлендириў шөлкемлериниң гезектеги көргизбеси табыслы шөлкемлестирилгени де мине усындай тән алыўлардың логикалық даўамы болды.

Үлкен қызығыўшылық пенен өткен көргизбеде мәмлекетимизден бир қатар жоқары билимлендириў мәкемелери қатнасып, билимлендириў бағдарламалары, илимий потенциалы ҳәм халықаралық имканиятларын кең жәмийетшиликке усынды.

Абитуриентлер ҳәм бирге ислесиўшилер ушын мөлшерленген “Study in Uzbekistan” веб-порталының презентациясы жыйналғанларды бийпәрўа қалдырмады.

Сондай-ақ, Әзербайжанның жетекши университетлери менен ушырасыўлар өткерилип, еки тәреплеме академиялық алмасыў, биргеликтеги билимлендириў бағдарламалары ҳәм илимий бирге ислесиўди раўажландырыў бойынша бир қатар й келисимлерге ерисилди.

Шербек Исломов, ӨзА