Европа Комиссиясы Давоста Украинаны тиклеў бойынша келисимге қол қойылыўын тастыйықлай алмады. Европа Комиссиясы ўәкили Гийом Мерсьениң сөзлерине бола, Европа Аўқамы мәресимде қатнасыўды режелестирген еди.

“Financial Times” газетасы Давостағы Жәҳән экономикалық форумында Украина, Европа ҳәм Қурама Штатлар тәрепинен келисилиўи керек болған 800 миллиард долларлық Украинаны тиклеў режесиниң усы ҳәптеде жәрияланыўы кейинге қалдырылғаны ҳаққында хабар берди.

Басылымның атап өтиўинше, кешиктириўдиң итимал себеби Трамптың Гренландия ҳәм “Тынышлық кеңеси” ҳаққындағы билдириўинен кейин АҚШ-Европа қатнасықларындағы кескинлик болған.

С.Раҳимов, ӨзА