Evropa Komissiyası Davosta Ukrainanı tiklew boyınsha kelisimge qol qoyılıwın tastıyıqlay almadı. Evropa Komissiyası wákili Giyom Merseniń sózlerine bola, Evropa Awqamı máresimde qatnasıwdı rejelestirgen edi.
“Financial Times” gazetası Davostaǵı Jáhán ekonomikalıq forumında Ukraina, Evropa hám Qurama Shtatlar tárepinen kelisiliwi kerek bolǵan 800 milliard dollarlıq Ukrainanı tiklew rejesiniń usı háptede járiyalanıwı keyinge qaldırılǵanı haqqında xabar berdi.
Basılımnıń atap ótiwinshe, keshiktiriwdiń itimal sebebi Tramptıń Grenlandiya hám “Tınıshlıq keńesi” haqqındaǵı bildiriwinen keyin AQSh-Evropa qatnasıqlarındaǵı keskinlik bolǵan.

S.Rahimov, ÓzA