Усы жылдың 24-27-январь күнлери пайтахтымыз Ташкентте болып өтетуғын Азия олимпиада кеңесиниң (OCA) гезектеги 46-Бас ассамблея мәжилисинде қатнасыў ушын континенттиң 45 ке шамалас мәмлекетинен 350 ден аслам спорт басшылары, онлаған халықаралық спорт шөлкемлериниң жуўапкерлери, Халықаралық олимпиада комитети атқарыў комитетиниң ағзалары Өзбекстанға келеди.

Бул 46-Бас ассамблея мәжилисинде Азия олимпиада кеңеси президентлигине сайлаўлар болып өтеди.

Ассамблея илажлары шеңберинде бир қатар халықаралық спорт шөлкемлериниң атқарыў комитетиниң мәжилислери елимизде өткериледи.

Усы күнлерде Өзбекстан Миллий олимпиада комитети менен биргеликте Азия олимпиада кеңесиниң бир топар ўәкиллери елимизде усы илажларды жоқары дәрежеде өткериў бойынша жумыс алып бармақта.

Еслетип өтемиз, 2022-жылы Ташкент Азия олимпиада кеңеси Атқарыў комитетиниң мәжилисин жоқары дәрежеде шөлкемлестирген еди.

Т.Рўзиев, ӨзА