Өзбекстан сыртқы ислер министри Бахтиёр Саидов кәсиплеслери менен биргеликте Түркия Президенти Режеп Таййип Эрдоған менен ушырасты.

Ушырасыўда Өзбекстан Президенти Шавкат Мирзиёевтиң қызғын сәлеми жеткерилди. Тәреплер еки мәмлекет арасындағы стратегиялық шериклик қатнасықлары избе-из раўажланып атырғанын атап өтти.

Сондай-ақ, “4+4” механизми шеңбериндеги сөйлесиў ҳүкиметлер арасындағы әмелий бирге ислесиў беккемленип атырғанының және бир тастыйығы екени атап өтилди. Сыртқы ислер министрликлери басшылары дәрежесинде ерисилген келисимлерди әмелге асырыўда тығыз бирге ислесиўди даўам еттиретуғыны билдирилди.

ӨзА