Ҳаўа температурасының төменлеўи себепли тутыныўшыларды энергия ресурслары менен үзликсиз тәмийинлеў мақсетинде энергетика системасы 24 саатлық күшейтилген жумыс режиминде ислемекте.

Аймақларда жумыслардың барысы турақлы қадағалаўда болып, жүзеге келип атырған насазлықлар жеделлик пенен сапластырылмақта.

Атап өтилиўинше, ҳаўа температурасының кескин төменлеўи нәтийжесинде тәбийғый газге болған талап артқаны себепли, айырым аймақлардағы қубырларда газ басымының төменлеўи бақланбақта. Усы мүнәсибет пенен халықтың шаңарақлары, медицина ҳәм билимлендириў мәкемелерин биринши гезекте тәбийғый газ бенен тәмийинлеў тийкарғы ўазыйпа етип белгиленген.

Усы жағдайдан келип шығып, автомобильлерге газ толтырыў-компрессор шақапшалары – “метан заправка”лардың жумысына ўақытша шеклеў киргизилген. Атап өтилиўинше, бул илажлар тек ғана суўық күнлерде халық ушын турақлы газ тәмийнатын тәмийинлеўге қаратылған болып, жағдай турақласыўы менен шеклеўлер бийкар етиледи. Аймақлардағы жағдайдан келип шығып, қосымша мағлыўматлар усынылады.

Соның менен бирге, халықтың талапларын тәмийинлеў мақсетинде социаллық тараў объектлерине хызмет көрсетиўши жәмийетлик транспорт қураллары ушын газ тәмийнаты шеклеўлерсиз, турақлы түрде тәмийинленеди. Бул бағдарларда жумыс алып барып атырған транспорт қуралларының үзликсиз ислеўи халыққа көрсетилип атырған хызметлердиң сапасын сақлап қалыўда айрықша әҳмийетке ийе.

Н.Зиёдуллаева, ӨзА