Миллий статистика комитетиниң дәслепки мағлыўматларына бола, 2025-жылы 11,7 миллион сырт ел пуқаралары Өзбекстанға туристлик мақсетлерде келген. Бул көрсеткиш 2024-жылдың сәйкес дәўирине салыстырғанда 3,7 миллион адамға ямаса 46,8 процентке артқан.

Туристлер ағымының сезилерли дәрежеде өсиўи мәмлекетте туризм инфраструктурасының раўажланып атырғаны, виза тәртип-қағыйдаларының әпиўайыластырылғаны ҳәм халықаралық бирге ислесиўдиң кеңейип атырғаны менен түсиндириледи.

Бизге келген туристлер саны бойынша жетекши мәмлекетлер төмендегилерден ибарат: Қырғыз Республикасы – 3,3 миллион адам, Тәжикстан ҳәм Қазақстан – 2,7 миллион адамнан. Сондай-ақ, Россия Федерациясынан 984,4 мың, Аўғанстаннан 476,7 мың, Түркменстаннан 370 мың пуқара Өзбекстанға келген.

Буннан тысқары, Қытайдан 278,9 мың, Түркиядан 174,9 мың, Ҳиндстаннан 80,8 мың ҳәм Корея Республикасынан 46,3 мың турист келген.

Ҳамроз Баянов,

ӨзА