Milliy statistika komitetiniń dáslepki maǵlıwmatlarına bola, 2025-jılı 11,7 million sırt el puqaraları Ózbekstanǵa turistlik maqsetlerde kelgen. Bul kórsetkish 2024-jıldıń sáykes dáwirine salıstırǵanda 3,7 million adamǵa yamasa 46,8 procentke artqan.
Turistler aǵımınıń sezilerli dárejede ósiwi mámlekette turizm infrastrukturasınıń rawajlanıp atırǵanı, viza tártip-qaǵıydalarınıń ápiwayılastırılǵanı hám xalıqaralıq birge islesiwdiń keńeyip atırǵanı menen túsindiriledi.
Bizge kelgen turistler sanı boyınsha jetekshi mámleketler tómendegilerden ibarat: Qırǵız Respublikası – 3,3 million adam, Tájikstan hám Qazaqstan – 2,7 million adamnan. Sonday-aq, Rossiya Federaciyasınan 984,4 mıń, Awǵanstannan 476,7 mıń, Túrkmenstannan 370 mıń puqara Ózbekstanǵa kelgen.
Bunnan tısqarı, Qıtaydan 278,9 mıń, Túrkiyadan 174,9 mıń, Hindstannan 80,8 mıń hám Koreya Respublikasınan 46,3 mıń turist kelgen.

Hamroz Bayanov,
ÓzA