Қәўипсизлик ременин тағыў имканиятын бермейтуғын кеселликлер дизими тастыйықланды

“Денсаўлығы қәўипсизлик ременин тағыў имканиятын бермейтуғын кеселликлер” дизими Әдиллик министрлигинде мәмлекетлик дизимнен өткерилди.

Усы кеселликлер менен кеселленгенлиги бойынша QR-кодлы медициналық мағлыўматнама “Электрон денсаўлықты сақлаў” мәлимлеме системасы арқалы наўқас бириктирилген басланғыш медициналық-санитариялық жәрдем мекемеси ямаса наўқас емленген мәмлекетлик медицина мекемеси тәрепинен бийпул бериледи.

Дизимге жәми 20 түрдеги кеселлик ҳәм жағдайлар киргизилген:

Жарақатлар ҳәм сыныўлар: омыртқа, төс сүйеги, ийин белбеўи, қабырғалар ҳәм омыртқа бағанасының сыныў жағдайларында.

Дем алыў системасы: өкпениң созылмалы обструктивлик кеселлиги ҳәм бронхиал астманың IV басқышы, сондай-ақ, өкпениң бир бөлими ямаса биреўи пүтинлей алынған жағдайлар.

Жүрек-қан тамыр системасы: Созылмалы жүрек жетиспеўшилигиниң III ҳәм декомпенсация басқышы, аўыр инфаркт ҳәм ишемия жағдайлары.

Физикалық жағдайлар: III дәрежели (морбид) семизлик (ТМИ 40 тан жоқары).

Бойы 150 сантиметрден төмен болған шахслар (нанизм),- деп мәлимлеме береди xabar.uz сайты.

Қарақалпақстан хабар агентлиги