Qáwipsizlik remenin taǵıw imkaniyatın bermeytuǵın kesellikler dizimi tastıyıqlandı
“Densawlıǵı qáwipsizlik remenin taǵıw imkaniyatın bermeytuǵın kesellikler” dizimi Ádillik ministrliginde mámleketlik dizimnen ótkerildi.
Usı kesellikler menen kesellengenligi boyınsha QR-kodlı medicinalıq maǵlıwmatnama “Elektron densawlıqtı saqlaw” málimleme sisteması arqalı nawqas biriktirilgen baslanǵısh medicinalıq-sanitariyalıq járdem mekemesi yamasa nawqas emlengen mámleketlik medicina mekemesi tárepinen biypul beriledi.
Dizimge jámi 20 túrdegi kesellik hám jaǵdaylar kirgizilgen:
Jaraqatlar hám sınıwlar: omırtqa, tós súyegi, iyin belbewi, qabırǵalar hám omırtqa baǵanasınıń sınıw jaǵdaylarında.
Dem alıw sisteması: ókpeniń sozılmalı obstruktivlik keselligi hám bronxial astmanıń IV basqıshı, sonday-aq, ókpeniń bir bólimi yamasa birewi pútinley alınǵan jaǵdaylar.
Júrek-qan tamır sisteması: Sozılmalı júrek jetispewshiliginiń III hám dekompensaciya basqıshı, awır infarkt hám ishemiya jaǵdayları.
Fizikalıq jaǵdaylar: III dárejeli (morbid) semizlik (TMI 40 tan joqarı).
Boyı 150 santimetrden tómen bolǵan shaxslar (nanizm),- dep málimleme beredi xabar.uz saytı.

Qaraqalpaqstan xabar agentligi