Америка қорғаныў компаниясы “Lockheed Martin” Трамп ҳәкимшилиги менен “Patriot” тутыўшы ракетасын жеткерип бериў бойынша жаңа рамкалы келисимге еристи. Шәртнамаға бола, енди ең соңғы маркадағы бундай қурал-жарақ ислеп шығарыў жети жыл ишинде жылына ҳәзирги 600 данадан 2000 данаға көтериледи.

– Ҳүкимет пенен PAC-3 MSE ракетасын жыйнаў процесин сезилерли дәрежеде жеделлестириўге қарар еттик, – деп жазды кәрхананың жуўапкер ўәкили социаллық тармақ арқалы. – Үскенелер, сынаў қурылмасы ҳәм 13 000 нан аслам жеткерип бериў тармағы бөлимлери тәмийнат шынжырының турақлылығын арттырады.

Кейинги еки жылда усы маркадағы қурал ислеп шығарыў 60 процентке артқан. Атап айтқанда, 2025-жылы 620 дана ракета жеткерип берилип, өткен жылға салыстырғанда 20 процентке өсиўге ерисилген.

MSE – “Missile Segment Enhancement” бағдарламасы “Patriot Advanced Capability-3” – PAC-3  ракетасының жетилистирилген түри болып, ҳәр қыйлы ҳаўа нышанын услаў ҳәм жоқ етиўге арналған.

С.Раҳимов, ӨзА