Amerika qorǵanıw kompaniyası “Lockheed Martin” Tramp hákimshiligi menen “Patriot” tutıwshı raketasın jetkerip beriw boyınsha jańa ramkalı kelisimge eristi. Shártnamaǵa bola, endi eń sońǵı markadaǵı bunday qural-jaraq islep shıǵarıw jeti jıl ishinde jılına házirgi 600 danadan 2000 danaǵa kóteriledi.
– Húkimet penen PAC-3 MSE raketasın jıynaw procesin sezilerli dárejede jedellestiriwge qarar ettik, – dep jazdı kárxananıń juwapker wákili sociallıq tarmaq arqalı. – Úskeneler, sınaw qurılması hám 13 000 nan aslam jetkerip beriw tarmaǵı bólimleri támiynat shınjırınıń turaqlılıǵın arttıradı.
Keyingi eki jılda usı markadaǵı qural islep shıǵarıw 60 procentke artqan. Atap aytqanda, 2025-jılı 620 dana raketa jetkerip berilip, ótken jılǵa salıstırǵanda 20 procentke ósiwge erisilgen.
MSE – “Missile Segment Enhancement” baǵdarlaması “Patriot Advanced Capability-3” – PAC-3 raketasınıń jetilistirilgen túri bolıp, hár qıylı hawa nıshanın uslaw hám joq etiwge arnalǵan.

S.Rahimov, ÓzA