Түркий мәмлекетлер шөлкеми (ТМШ) энергетика министрлериниң 5-мәжилиси Түркияның Стамбул қаласында болып өтти.

Атап өтилиўинше, ушырасыўда тәреплер энергетика тараўындағы бирге ислесиўдиң “ТМШны глобаллық геосиясий орайға айландырыў процесинде” әҳмийетли екенлигин атап өткен. Сондай-ақ, Каспий теңизин түркий дүньяны бирлестиретуғын көпир сыпатында көриў шеңберинде әмелге асырылып атырған “Жасыл энергия коридоры” жойбарына айрықша итибар қаратылды.

Транскаспий энергетика инфраструктурасын раўажландырыў, сондай-ақ, нефть ҳәм тәбийғый газ, әҳмийетли минераллар, ядро энергиясы ҳәм үшинши мәмлекетлерге биргеликтеги энергия инвестициялары сыяқлы тараўларда бирге ислесиўди кеңейтиў мәселелери додаланды.

Өз-ара сөйлесиў ўақтында бирден-бир энергия көпирин пайда етиўши Орайлық Азия, Әзербайжан ҳәм Түркия арасында тәжирийбе алмасыў, технологиялық бирге ислесиў ҳәм жаңа жойбарларды ислеп шығыў арқалы регионаллық энергия қәўипсизлигин беккемлеўге қаратылған ҳәрекетлер атап өтилди.

С.Раҳимов, ӨзА