“Паралимпиада спорт түрлерин буннан былай да раўажландырыўдың қосымша илажлары ҳаққында”ғы Президент қарарына бола, 2026-жыл 1-январьдан паралимпиада спорт түрлери бойынша республика сайланды командаларын қәлиплестириўдиң жаңа тәртиби енгизиледи.

Соннан:

• паралимпиада спорт түрлери бойынша сайланды командаларды қәлиплестириўде спортшылардың тийисли спорт жарысларындағы нәтийжелери менен бирге спорт нормативлерин орынлаў нәтийжеси де есапқа алынады;
• спорт сайланды командалары спорт нормативлерине муўапық қәлиплестирилетуғын паралимпиада спорт түрлери бойынша Өзбекстан Республикасы чемпионаты ямаса кубогы өткерилиўи мәжбүрий есапланбайды;
• «ERP-sport» электрон басқарыў системасында паралимпиада спорт түрлери менен шуғылланып атырған спортшылардың спорт нәтийжелери киргизилип барылады ҳәм олардың спорт нормативлерин орынлаўы үстинен мониторинг жүргизиў ушын зәрүр техникалық имканиятлар жаратылады.

Сондай-ақ, Паралимпиада сайланды командалары орайы шөлкемлестириледи.

Паралимпиада орайы Ташкент қаласының Яшнабад районындағы Олимпиада қалашасында жайластырылады.

Қарақалпақстан хабар агентлиги