“Paralimpiada sport túrlerin bunnan bılay da rawajlandırıwdıń qosımsha ilajları haqqında”ǵı Prezident qararına bola, 2026-jıl 1-yanvardan paralimpiada sport túrleri boyınsha respublika saylandı komandaların qáliplestiriwdiń jańa tártibi engiziledi.

Sonnan:
• paralimpiada sport túrleri boyınsha saylandı komandalardı qáliplestiriwde sportshılardıń tiyisli sport jarıslarındaǵı nátiyjeleri menen birge sport normativlerin orınlaw nátiyjesi de esapqa alınadı;
• sport saylandı komandaları sport normativlerine muwapıq qáliplestiriletuǵın paralimpiada sport túrleri boyınsha Ózbekstan Respublikası chempionatı yamasa kubogı ótkeriliwi májbúriy esaplanbaydı;
• «ERP-sport» elektron basqarıw sistemasında paralimpiada sport túrleri menen shuǵıllanıp atırǵan sportshılardıń sport nátiyjeleri kirgizilip barıladı hám olardıń sport normativlerin orınlawı ústinen monitoring júrgiziw ushın zárúr texnikalıq imkaniyatlar jaratıladı.
Sonday-aq, Paralimpiada saylandı komandaları orayı shólkemlestiriledi.
Paralimpiada orayı Tashkent qalasınıń Yashnabad rayonındaǵı Olimpiada qalashasında jaylastırıladı.

Qaraqalpaqstan xabar agentligi