Бирлескен Араб Әмирликлериниң бир қатар басылымлары, соның ишинде, “Albayan”, “Aletihad”, “Sharjah24” ҳәм  “WAM” мәлимлеме агентлиги Өзбекстан Республикасы Президенти Шавкат Мирзиёев жақында БАӘ энергетика ҳәм инфраструктуралар министри Суҳайл ал-Мазруий басшылығындағы делегацияны қабыл еткенин жарытты.

Мақалада ушырасыў даўамында тәреплер қайта тикленетуғын энергия, транспорт ҳәм логистика тараўларында еки тәреплеме бирге ислесиўди беккемлеў, сондай-ақ, перспективалы инвестициялық имканиятларды көрип шығыў ҳәм еки мәмлекет арасындағы экономикалық шерикликти қоллап-қуўатлаў мәселелерин додалағаны атап өтилген.

Ушырасыўда БАӘниң “Masdar” компаниясының басшысы Муҳаммад Жамил ал-Рамаҳий, “Etihad Water & Electricity” компаниясының басшысы Юсуф ал-Али ҳәм “TAQA Water Solutions” компаниясының басшысы Аҳмад ал-Шамсий де қатнасты.

Араб басылымларының атап өтиўинше, Өзбекстан – БАӘ қатнасықлары кейинги жылларда избе-из раўажланып, саўда, инвестиция ҳәм технологиялар алмасыўы тараўларында жаңа имканиятлар ашпақта. Делегацияның бул сапары болса бирге ислесиўди және де беккемлеўге хызмет етеди.

М.Пирматова, ӨзА