Birlesken Arab Ámirlikleriniń bir qatar basılımları, sonıń ishinde, “Albayan”, “Aletihad”, “Sharjah24” hám “WAM” málimleme agentligi Ózbekstan Respublikası Prezidenti Shavkat Mirziyoev jaqında BAÁ energetika hám infrastrukturalar ministri Suhayl al-Mazruiy basshılıǵındaǵı delegaciyanı qabıl etkenin jarıttı.

Maqalada ushırasıw dawamında tárepler qayta tiklenetuǵın energiya, transport hám logistika tarawlarında eki tárepleme birge islesiwdi bekkemlew, sonday-aq, perspektivalı investiciyalıq imkaniyatlardı kórip shıǵıw hám eki mámleket arasındaǵı ekonomikalıq sheriklikti qollap-quwatlaw máselelerin dodalaǵanı atap ótilgen.
Ushırasıwda BAÁniń “Masdar” kompaniyasınıń basshısı Muhammad Jamil al-Ramahiy, “Etihad Water & Electricity” kompaniyasınıń basshısı Yusuf al-Ali hám “TAQA Water Solutions” kompaniyasınıń basshısı Ahmad al-Shamsiy de qatnastı.
Arab basılımlarınıń atap ótiwinshe, Ózbekstan – BAÁ qatnasıqları keyingi jıllarda izbe-iz rawajlanıp, sawda, investiciya hám texnologiyalar almasıwı tarawlarında jańa imkaniyatlar ashpaqta. Delegaciyanıń bul saparı bolsa birge islesiwdi jáne de bekkemlewge xızmet etedi.

M.Pirmatova, ÓzA