Әмелде өзиниң әҳмийетин ҳәм актуаллығын жоғалтқан 800 ге шамалас нызамшылық ҳүжжетлери “тәртипке салыў гильотинасы” арқалы бийкар етиледи.

Бул бағдарда усы жыл 25-ноябрь күни Президенттиң “Нызамшылықтағы ҳуқықый бослықларды сапластырыў ҳәм тәртипке салыў жүгин азайтыў ҳаққында”ғы ПП-231-санлы пәрманы қабыл етилди.

Пәрман менен Төмендегилерди нәзерде тутыўшы Исбилерменлик ҳәм басқа тараўлардағы айырым мәжбүрий талапларды қысқартыў, тәртипке салыўды әпиўайыластырыў бойынша “жол картасы” тастыйықланды:

– исбилерменлер ушын финанслық операцияларды «E-aktiv» системасында сәўлелендириў миннетлемесин бийкар етиў;

– көшпес мүлкке болған гиреў ҳуқықын дизимнен өткериўде мәмлекетлик хызмет баҳасын 2 есеге азайтыў;

– жеке мүтәжлик ушын республикаға алып кирилетуғын товарлардың бажысыз алып кириў нормаларын толық қайта көрип шығыў;

– жер участкасына болған ҳуқықты өзине байланыслы болмаған себеплерге бола дизимнен өткермеген майыплығы болған шахсларға альтернатив ҳүжжетлер тийкарында салық жеңилликлеринен пайдаланыў имканиятын жаратыў, – деп мәлимлеме береди  xabar.uz сайты.

Қарақалпақстан хабар агентлиги