Ámelde óziniń áhmiyetin hám aktuallıǵın joǵaltqan 800 ge shamalas nızamshılıq hújjetleri “tártipke salıw gilotinası” arqalı biykar etiledi.

Bul baǵdarda usı jıl 25-noyabr kúni Prezidenttiń “Nızamshılıqtaǵı huqıqıy boslıqlardı saplastırıw hám tártipke salıw júgin azaytıw haqqında”ǵı PP-231-sanlı pármanı qabıl etildi.
Párman menen Tómendegilerdi názerde tutıwshı Isbilermenlik hám basqa tarawlardaǵı ayırım májbúriy talaplardı qısqartıw, tártipke salıwdı ápiwayılastırıw boyınsha “jol kartası” tastıyıqlandı:
– isbilermenler ushın finanslıq operaciyalardı «E-aktiv» sistemasında sáwlelendiriw minnetlemesin biykar etiw;
– kóshpes múlkke bolǵan girew huqıqın dizimnen ótkeriwde mámleketlik xızmet bahasın 2 esege azaytıw;
– jeke mútájlik ushın respublikaǵa alıp kiriletuǵın tovarlardıń bajısız alıp kiriw normaların tolıq qayta kórip shıǵıw;
– jer uchastkasına bolǵan huqıqtı ózine baylanıslı bolmaǵan sebeplerge bola dizimnen ótkermegen mayıplıǵı bolǵan shaxslarǵa alternativ hújjetler tiykarında salıq jeńilliklerinen paydalanıw imkaniyatın jaratıw, – dep málimleme beredi xabar.uz saytı.

Qaraqalpaqstan xabar agentligi