Министрлер Кабинетиниң усы жыл 24-ноябрьдеги қарары менен “Дәри қуралларын мәмлекетлик дизимнен өткериў тәртиби ҳаққында”ғы реже тастыйықланды.

Режеге бола, дәри қураллары мәмлекетлик дизимнен улыўма тәртипте ҳәм тән алыў жолы менен өткериледи.

Яғный, дәри-дәрмақлар;

– Өзбекстанда дизимнен өткерилген дәри қуралларының жаңа комбинациялары;

– алдын Өзбекстанда дизимнен өткерилген, бирақ басқаша дәри формаларында, дозаларда ямаса басқа ислеп шығарыўшы тәрепинен ислеп шығарылған дәри қураллары;

– алдын Өзбекстанда дизимнен өткерилген, түри, сапалық қурамы ҳәм (ямаса) муғдарлық қурамы, клетка линиясының биологиялық өзгешеликлери ҳәм басқа да қәсийетлери өзгерген клетка технологиясы тийкарында ислеп шығарылған биотехнология дәри қураллары дизимнен өткериледи:

Дәри қуралларын мәмлекетлик дизимнен өткериў нәтийжелери бойынша әмел етиў мүддети 5 жыл болған дизимнен өткерилгенлик гүўалығы бериледи.

“Фармацевтика өнимлери қәўипсизлиги орайы” мәмлекетлик мәкемеси Медицина әмелиятында қолланылыўына руқсат етилген дәри қураллары ҳәм медициналық үскенелердиң мәмлекетлик реестрин жүргизеди.

Мәмлекетлик реестр Денсаўлықты сақлаў министрлиги ҳәм Орайдың рәсмий веб-сайтына жайластырылады.

Моҳигул ҚОСИМОВА,

ӨзА