Ministrler Kabinetiniń usı jıl 24-noyabrdegi qararı menen “Dári quralların mámleketlik dizimnen ótkeriw tártibi haqqında”ǵı reje tastıyıqlandı.

Rejege bola, dári quralları mámleketlik dizimnen ulıwma tártipte hám tán alıw jolı menen ótkeriledi.
Yaǵnıy, dári-dármaqlar;
– Ózbekstanda dizimnen ótkerilgen dári qurallarınıń jańa kombinaciyaları;
– aldın Ózbekstanda dizimnen ótkerilgen, biraq basqasha dári formalarında, dozalarda yamasa basqa islep shıǵarıwshı tárepinen islep shıǵarılǵan dári quralları;
– aldın Ózbekstanda dizimnen ótkerilgen, túri, sapalıq quramı hám (yamasa) muǵdarlıq quramı, kletka liniyasınıń biologiyalıq ózgeshelikleri hám basqa da qásiyetleri ózgergen kletka texnologiyası tiykarında islep shıǵarılǵan biotexnologiya dári quralları dizimnen ótkeriledi:
Dári quralların mámleketlik dizimnen ótkeriw nátiyjeleri boyınsha ámel etiw múddeti 5 jıl bolǵan dizimnen ótkerilgenlik gúwalıǵı beriledi.
“Farmacevtika ónimleri qáwipsizligi orayı” mámleketlik mákemesi Medicina ámeliyatında qollanılıwına ruqsat etilgen dári quralları hám medicinalıq úskenelerdiń mámleketlik reestrin júrgizedi.
Mámleketlik reestr Densawlıqtı saqlaw ministrligi hám Oraydıń rásmiy veb-saytına jaylastırıladı.

Mohigul QOSIMOVA,
ÓzA