Мәмлекетлик хызметлердиң бирден-бир реестрин жүргизиў тәртиби белгиленди.

Әдиллик министрлиги тәрепинен “Мәмлекетлик хызметлердиң бирден-бир реестрин жүргизиў тәртиби ҳаққында”ғы реже мәмлекетлик дизимнен өткерилди (дизим номери: 3707, 21.11.2025 ж.).

Бул Режеде Мәмлекетлик хызметлердиң бирден-бир реестрин жүргизиў тәртиби белгиленген. Мәмлекетлик хызметлердиң бирден-бир реестри Әдиллик министрлиги тәрепинен қәлиплестириледи ҳәм жүргизиледи.

Мәмлекетлик хызметлердиң бирден-бир реестри “Мәмлекетлик хызметлер” автоматластырылған онлайн мәлимлеме системасында жүргизиледи. Реестрде ҳәр бир мәмлекетлик хызметтиң паспорты жүргизиледи.

Мәмлекетлик хызметти Мәмлекетлик хызметлердиң бирден-бир реестрине киргизиў ҳәм оннан шығарыў, мәмлекетлик хызмет мағлыўматларына өзгерис киргизиў мәмлекетлик хызмет көрсетиўди тәртипке салыўшы нормативлик-ҳуқықый ҳүжжетлер тийкарында әмелге асырылады.

Реестрдеги мағлыўматлар физикалық ҳәм юридикалық тәреплер ушын ашық есапланады, – деп мәлимлеме береди xabar.uz сайты.

Қарақалпақстан хабар агентлиги