Mámleketlik xızmetlerdiń birden-bir reestrin júrgiziw tártibi belgilendi.

Ádillik ministrligi tárepinen “Mámleketlik xızmetlerdiń birden-bir reestrin júrgiziw tártibi haqqında”ǵı reje mámleketlik dizimnen ótkerildi (dizim nomeri: 3707, 21.11.2025 j.).
Bul Rejede Mámleketlik xızmetlerdiń birden-bir reestrin júrgiziw tártibi belgilengen. Mámleketlik xızmetlerdiń birden-bir reestri Ádillik ministrligi tárepinen qáliplestiriledi hám júrgiziledi.
Mámleketlik xızmetlerdiń birden-bir reestri “Mámleketlik xızmetler” avtomatlastırılǵan onlayn málimleme sistemasında júrgiziledi. Reestrde hár bir mámleketlik xızmettiń pasportı júrgiziledi.
Mámleketlik xızmetti Mámleketlik xızmetlerdiń birden-bir reestrine kirgiziw hám onnan shıǵarıw, mámleketlik xızmet maǵlıwmatlarına ózgeris kirgiziw mámleketlik xızmet kórsetiwdi tártipke salıwshı normativlik-huqıqıy hújjetler tiykarında ámelge asırıladı.
Reestrdegi maǵlıwmatlar fizikalıq hám yuridikalıq tárepler ushın ashıq esaplanadı, – dep málimleme beredi xabar.uz saytı.

Qaraqalpaqstan xabar agentligi