«CollAsia 2025: Коллекцияларды бақлаў, ҳүжжетлестириў ҳәм диагностика өткериў» атамасындағы халықаралық бағдарламасы шеңберинде И.В.Савицкий атындағы Қарақалпақстан мәмлекетлик көркем өнер музейинде әмелий шынығыўлар өткерилди.

Бул курс ICCROM (Халықаралық мәдений байлықларды сақлаў ҳәм тиклеў орайы) ҳәм Корея Миллий мәдений мийрас изертлеў институты (NRICH) тәрепинен Өзбекстан Республикасы мәденият ҳәм көркем өнерди раўажландырыў қоры, Өзбекстан мәмлекетлик көркем өнер музейи ҳәм И.В.Савицкий атындағы Қарақалпақстан мәмлекетлик көркем өнер музейлери менен биргеликте шөлкемлестирилди.

Сондай-ақ, қатнасыўшылар музей экспозиция залларын тамашалап, Игорь Савицкий жыйнаған бийбаҳа коллекция ҳәм музейдиң бай мәдений мийрасы менен жақыннан танысты.

Қарақалпақстан хабар агентлиги