Көксарай резиденциясында Өзбекстан Республикасы Президенти Шавкат Мирзиёев Орайлық Азия мәмлекетлери басшыларының жетинши Мәсләҳәт ушырасыўында қатнасыў ушын елимизге келген Тәжикстан Республикасы Президенти Эмомали Раҳмон менен ушырасты.

Жетекшилер Өзбекстан – Тәжикстан дослық, жақсы қоңсышылық, стратегиялық шериклик ҳәм аўқамласлық қатнасықларын және де кеңейтиўдиң әҳмийетли мәселелерин додалады.

Өз-ара саўданы көбейтиў бойынша муўапықластырылған илажлар көриў, санаат, энергетика, аўыл хожалығы ҳәм басқа да тийкарғы тараўларда кооперация жойбарларын алға қойыўға айрықша итибар қаратылды.

Жедел мәдений-гуманитарлық алмасыўлар ҳәм нәтийжели аймақлараралық байланысларды даўам еттириў әҳмийетли екенлиги атап өтилди.

Сондай-ақ, Орайлық Азияда регионаллық бирге ислесиўди беккемлеў бойынша пикир алысылды.

ӨзА