Kóksaray rezidenciyasında Ózbekstan Respublikası Prezidenti Shavkat Mirziyoev Oraylıq Aziya mámleketleri basshılarınıń jetinshi Másláhát ushırasıwında qatnasıw ushın elimizge kelgen Tájikstan Respublikası Prezidenti Emomali Rahmon menen ushırastı.

Jetekshiler Ózbekstan – Tájikstan doslıq, jaqsı qońsıshılıq, strategiyalıq sheriklik hám awqamlaslıq qatnasıqların jáne de keńeytiwdiń áhmiyetli máselelerin dodaladı.
Óz-ara sawdanı kóbeytiw boyınsha muwapıqlastırılǵan ilajlar kóriw, sanaat, energetika, awıl xojalıǵı hám basqa da tiykarǵı tarawlarda kooperaciya joybarların alǵa qoyıwǵa ayrıqsha itibar qaratıldı.
Jedel mádeniy-gumanitarlıq almasıwlar hám nátiyjeli aymaqlararalıq baylanıslardı dawam ettiriw áhmiyetli ekenligi atap ótildi.
Sonday-aq, Oraylıq Aziyada regionallıq birge islesiwdi bekkemlew boyınsha pikir alısıldı.

ÓzA