Өзбекстан Республикасы Президенти Шавкат Мирзиёевтиң мирәт етиўине бола Түркменстан Президенти Сердар Бердимуҳамедов 16-17-ноябрь күнлери мәмлекетлик сапар менен елимизде болады.

Жоқары дәрежедеги сөйлесиўлер күн тәртибине Өзбекстан – Түркменстан стратегиялық шериклик қатнасықларын буннан былай да раўажландырыў ҳәм беккемлеў, көп тәреплемели бирге ислесиўди, биринши гезекте, сиясий, саўда-экономикалық, транспорт, суў-энергетика, мәдений ҳәм гуманитарлық тараўларда кеңейтиў мәселелери киргизилген.

Сапар етиў шеңберинде мәмлекет басшылары “Шават-Ташаўыз” шегараалды саўда зонасының ашылыў мәресиминде қатнасады.

Өзбекстан ҳәм Түркменстан жетекшилери халықаралық ҳәм регионаллық мәселелер бойынша пикир алысады.

Саммит жуўмағында Биргеликтеги билдириў қабыл етилиўи ҳәм еки тәреплеме ҳүжжетлер топламына қол қойылыўы режелестирилген.

Түркменстан Президенти, сондай-ақ, Орайлық Азия мәмлекетлери басшыларының жетинши Мәсләҳәт ушырасыўында қатнасады.

ЎзА