Ózbekstan Respublikası Prezidenti Shavkat Mirziyoevtiń mirát etiwine bola Túrkmenstan Prezidenti Serdar Berdimuhamedov 16-17-noyabr kúnleri mámleketlik sapar menen elimizde boladı.

Joqarı dárejedegi sóylesiwler kún tártibine Ózbekstan – Túrkmenstan strategiyalıq sheriklik qatnasıqların bunnan bılay da rawajlandırıw hám bekkemlew, kóp táreplemeli birge islesiwdi, birinshi gezekte, siyasiy, sawda-ekonomikalıq, transport, suw-energetika, mádeniy hám gumanitarlıq tarawlarda keńeytiw máseleleri kirgizilgen.
Sapar etiw sheńberinde mámleket basshıları “Shavat-Tashawız” shegaraaldı sawda zonasınıń ashılıw máresiminde qatnasadı.
Ózbekstan hám Túrkmenstan jetekshileri xalıqaralıq hám regionallıq máseleler boyınsha pikir alısadı.
Sammit juwmaǵında Birgeliktegi bildiriw qabıl etiliwi hám eki tárepleme hújjetler toplamına qol qoyılıwı rejelestirilgen.
Túrkmenstan Prezidenti, sonday-aq, Oraylıq Aziya mámleketleri basshılarınıń jetinshi Másláhát ushırasıwında qatnasadı.

WzA