Әдиллик министрлиги риэлторлық шөлкемлер тәрепинен көшпес мүлк объектлерин исенимли басқарыў жумысына қойылатуғын талапларды белгилейтуғын буйрықты мәмлекетлик дизимнен өткерди.

Атап өтилиўинше, риэлторлық шөлкемлери көшпес мүлк объектлерин мүлк ийелериниң мәплерин есапқа алған ҳалда басқарыў, ижараға бериў, оңлаў, техникалық хызмет көрсетиў, дәрамат ҳәм қәрежетлерди бөлистириў сыяқлы хызметлерди профессионал тийкарда әмелге асырыўы керек.

Стандартлар тийкарында:

– көшпес мүлк объектлерин исенимли басқарыўдың шөлкемлестириў тәреплери;

– исенимли басқарыўшы ҳәм мүлк ийеси арасындағы ҳуқық – миннетлемелер;

– исенимли басқарыў шәртнамасын дүзиў бойынша талаплар;

– басқарыўдың ашық-айдынлығын ҳәм нәтийжелилигин тәмийинлеў өлшемлери белгиленди.

Атап өтилиўинше, көшпес мүлкти исенимли басқарыў бойынша барлық хызметлер маманлық сертификатына ийе хызметкерлери бар риэлторлық шөлкеми тәрепинен нызамшылық ҳәм тийисли минез-қулық кодексине муўапық усынылады, – деп мәлимлеме береди xabar.uz сайты.

Қарақалпақстан хабар агентлиги