Ádillik ministrligi rieltorlıq shólkemler tárepinen kóshpes múlk obektlerin isenimli basqarıw jumısına qoyılatuǵın talaplardı belgileytuǵın buyrıqtı mámleketlik dizimnen ótkerdi.

Atap ótiliwinshe, rieltorlıq shólkemleri kóshpes múlk obektlerin múlk iyeleriniń máplerin esapqa alǵan halda basqarıw, ijaraǵa beriw, ońlaw, texnikalıq xızmet kórsetiw, dáramat hám qárejetlerdi bólistiriw sıyaqlı xızmetlerdi professional tiykarda ámelge asırıwı kerek.
Standartlar tiykarında:
– kóshpes múlk obektlerin isenimli basqarıwdıń shólkemlestiriw tárepleri;
– isenimli basqarıwshı hám múlk iyesi arasındaǵı huqıq – minnetlemeler;
– isenimli basqarıw shártnamasın dúziw boyınsha talaplar;
– basqarıwdıń ashıq-aydınlıǵın hám nátiyjeliligin támiyinlew ólshemleri belgilendi.
Atap ótiliwinshe, kóshpes múlkti isenimli basqarıw boyınsha barlıq xızmetler mamanlıq sertifikatına iye xızmetkerleri bar rieltorlıq shólkemi tárepinen nızamshılıq hám tiyisli minez-qulıq kodeksine muwapıq usınıladı, – dep málimleme beredi xabar.uz saytı.

Qaraqalpaqstan xabar agentligi