Сенатта “Өзбекстан – Саудия” ҳәм “Саудия – Өзбекстан” парламентлераралық бирге ислесиў топарларының биргеликтеги мәжилиси онлайн тәризде өткерилди.

Онда Өзбекстан ҳәм Саудия Арабстаны арасындағы қатнасықлардың бүгинги жағдайы ҳәм перспективалары, парламентлераралық байланысларды тереңлестириў, саўда-экономикалық, инвестициялық, энергетика, IT,  билимлендириў ҳәм мәдений-гуманитарлық тараўларда бирге ислесиўди кеңейтиў мәселелери додаланды.

Өзбекстан ҳәм Саудия Арабстаны арасындағы көп тәреплемели қатнасықлар еки мәмлекет басшыларының сиясий ерк-ықрары ҳәм исеними себепли избе-из раўажланып атырғаны, жоқары дәрежедеги ушырасыўлар ҳәм сапар етиўлер стратегиялық шерикликти жаңа басқышқа алып шыққаны атап өтилди.

Жоқары дәрежеде ерисилген келисимлердиң орынланыўын тәмийинлеў бойынша парламентлик қадағалаўды күшейтиў, бирге ислесиў топарларының жумысын жеделлестириў, нызамшылық тараўында тәжирийбе алмасыў ҳәм парламентлераралық бирге ислесиўди турақлы даўам еттириў мәселелерине айрықша итибар қаратылды.

                                                                                            ӨзА