Senatta “Ózbekstan – Saudiya” hám “Saudiya – Ózbekstan” parlamentleraralıq birge islesiw toparlarınıń birgeliktegi májilisi onlayn tárizde ótkerildi.

Onda Ózbekstan hám Saudiya Arabstanı arasındaǵı qatnasıqlardıń búgingi jaǵdayı hám perspektivaları, parlamentleraralıq baylanıslardı tereńlestiriw, sawda-ekonomikalıq, investiciyalıq, energetika, IT, bilimlendiriw hám mádeniy-gumanitarlıq tarawlarda birge islesiwdi keńeytiw máseleleri dodalandı.
Ózbekstan hám Saudiya Arabstanı arasındaǵı kóp táreplemeli qatnasıqlar eki mámleket basshılarınıń siyasiy erk-ıqrarı hám isenimi sebepli izbe-iz rawajlanıp atırǵanı, joqarı dárejedegi ushırasıwlar hám sapar etiwler strategiyalıq sheriklikti jańa basqıshqa alıp shıqqanı atap ótildi.
Joqarı dárejede erisilgen kelisimlerdiń orınlanıwın támiyinlew boyınsha parlamentlik qadaǵalawdı kúsheytiw, birge islesiw toparlarınıń jumısın jedellestiriw, nızamshılıq tarawında tájiriybe almasıw hám parlamentleraralıq birge islesiwdi turaqlı dawam ettiriw máselelerine ayrıqsha itibar qaratıldı.

ÓzA