Усы жылдың 7-21-ноябрь күнлери Саудия Арабстанының Ар-Риёд қаласында VI Ислам тилеклеслик ойынлары өткериледи.

Оннан 13 Олимпиада, 4 Олимпиада емес, 3 Паралимпиада ҳәм 1 миллий спорт түри орын алған. Жарыс шөлкемлестириўшилери усы спорт түрлери бойынша беллесиўлер календарын жәриялады. Оған бола, футзал ҳәм волейбол бойынша беллесиўлер 4-ноябрь күнинен басланады. Соң бокс, пенчак силат ҳәм гүрес беллесиўлерине старт бериледи. 7-ноябрь күни комплексли жарыстың салтанатлы ашылыў мәресими шөлкемлестириледи. Турнир 21-ноябрь күни спорт гүреслери, пара пауэрлифтинг, гандбол ҳәм жиу-житсу бойынша беллесиўлер менен жуўмақланады.

Мағлыўмат орнында: 2022-жыл Түркияның Конья қаласында өткерилген V Ислам тилеклеслик ойынларында Өзбекстан делегациясы 56 мәмлекет арасында 51 алтын, 42 гүмис ҳәм 65 қола медалы менен улыўма командалық есапта майдан ийелеринен кейин екинши орынды ийелеген еди.

Жавоҳир Тошхўжаев, ӨзА