Өзбекстан Республикасы инвестициялар, санаат ҳәм саўда министриниң орынбасары Илзат Қосимов Қытай Халық Республикасы Цянсу провинциясы Халықаралық саўданы раўажландырыў кеңесиниң бас директоры Ван Шанхуа менен ушырасыў өткерди.

Сөйлесиў ўақтында әмелдеги байланысларды кеңейтиў, жаңа өндирислик кәрханаларын шөлкемлестириў, санлы инфраструктураны раўажландырыў мәселелери додаланды. Соның ишинде, усы провинция кәрханаларының қатнасыўында республикамызда арнаўлы санаат зонасын шөлкемлестириў, шерикликке қызығыўшылық билдирген Қытай компанияларының дизимин қәлиплестириў, биргеликтеги жумысшы топарды дүзиў ҳәм инвестициялық ушырасыўларды турақлы өткериў режеси көрип шығылды.

Сондай-ақ, келеси жылы “road show” илажларын шөлкемлестириў арқалы өз-ара инвестиция имканиятын үгит-нәсиятлаўға келисип алынды.

Жуўмағында тәреплер имканиятлардан нәтийжели пайдаланыў ҳәм биргеликтеги жойбарларды әмелге асырыў арқалы экономикалық бирге ислесиўди беккемлеўге таяр екенин билдирди.

М.Пирматова, ӨзА