Бердақ атындағы Қарақалпақ мәмлекетлик университети ҳәм Қазақстан Республикасының Семей қаласында жайласқан Әлихан Бөкейхан университи арасында дүзилген бирге ислесиў ҳаққындағы Меморандум шеңберинде  юридика факультетиниң профессор-оқытыўшылары Қазақстан Республикасында илимий стажировканы әмелге асырмақта.

Ҳәзирги ўақытта усы университет базасында академиялық мобильлик ҳәм илимий-изертлеў жумысында қатнасыў ушын профессор-оқытыўшылар академиялық мобильлик ҳәм илимий-изертлеў жумысларында қатнасыў, лекциялар ҳәм әмелий сабақлар өткериў, сондай-ақ, еки жоқары билимлендириў орынлары арасындағы бирге ислесиўди еле де беккемлеў бойынша жумысларды алып бармақта.

– Бундай бирге ислесиў өткен жылы да әмелге асырылған еди, – дейди “Жынаят ҳуқықы, процеси ҳәм криминалистика” кафедрасы баслығы, юридика илимлериниң  докторы (DSc) доцент Миратдин Нажимов. – Атап айтқанда,  Әлихан Бөкейхан университетиниң 6 студенти Қарақалпақ мәмлекетлик университетинде бир семестр даўамында билим алды ҳәм бул жумыслар быйылғы жылы да даўам етип, ҳәзирги ўақытта қазақстанлы 3 студенти бизиң университетимизде оқыўын даўам еттирмекте.

Хызмет сапары шеңберинде Әлихан Бөкейхан университи тәрепинен қарақалпақстанлы үш профессор-оқытыўшыға сертификат ҳәм миннетдаршылық хатлары тапсырылды.

Адилбай Оразов,

Қарақалпақстан хабар агентлиги шолыўшысы