Berdaq atındaǵı Qaraqalpaq mámleketlik universiteti hám Qazaqstan Respublikasınıń Semey qalasında jaylasqan Álixan Bókeyxan universiti arasında dúzilgen birge islesiw haqqındaǵı Memorandum sheńberinde yuridika fakultetiniń professor-oqıtıwshıları Qazaqstan Respublikasında ilimiy stajirovkanı ámelge asırmaqta.

Házirgi waqıtta usı universitet bazasında akademiyalıq mobillik hám ilimiy-izertlew jumısında qatnasıw ushın professor-oqıtıwshılar akademiyalıq mobillik hám ilimiy-izertlew jumıslarında qatnasıw, lekciyalar hám ámeliy sabaqlar ótkeriw, sonday-aq, eki joqarı bilimlendiriw orınları arasındaǵı birge islesiwdi ele de bekkemlew boyınsha jumıslardı alıp barmaqta.
– Bunday birge islesiw ótken jılı da ámelge asırılǵan edi, – deydi “Jınayat huqıqı, procesi hám kriminalistika” kafedrası baslıǵı, yuridika ilimleriniń doktorı (DSc) docent Miratdin Najimov. – Atap aytqanda, Álixan Bókeyxan universitetiniń 6 studenti Qaraqalpaq mámleketlik universitetinde bir semestr dawamında bilim aldı hám bul jumıslar bıyılǵı jılı da dawam etip, házirgi waqıtta qazaqstanlı 3 studenti biziń universitetimizde oqıwın dawam ettirmekte.
Xızmet saparı sheńberinde Álixan Bókeyxan universiti tárepinen qaraqalpaqstanlı úsh professor-oqıtıwshıǵa sertifikat hám minnetdarshılıq xatları tapsırıldı.

Adilbay Orazov,
Qaraqalpaqstan xabar agentligi sholıwshısı