Россия Илимлер академиясы Космос изертлеўлери институтыныӊ Қуяш астрономиясы лабораториясы тарқатқан мағлыўматқа қарағанда, алдынғы болжаў, бундай жанланыў күтилмеген болса да, Қуяшта күшли жарылыс қайтадан басланған.

Атап өтилиўинше, ҳәзир Қуяшта ҳәр бири шама менен 150 000 километр өлшемдеги, яғный Жер диаметринен 10 есе үлкен болған еки актив орай бар. Жулдыз ҳәзир сол аймақта энергияны жағып, Қуяштың терең бөлиминен қуўат жибереди. Ҳәр бир шақмақ С ямаса М дәрежели ушқынлық пайда етеди. Еле ушқын ең жоқары Х-дәрежеге жеткен жоқ.

Демек, бундай ҳәдийсе күтилмеген. Яғный, жулдыз “сентябрь айының ақыры ҳәм октябрь айының басында бираз тыныш емес” көрингени себепли, буншелли тез тиклениўи керек емес еди.

Ҳәзир жарылыў дәрежеси М1,0-М2,0. Төрт айлық ең жоқары көрсеткиш – М6,4, жақтыланыў 28-сентябрьде жүз берген, – дейди Лаборатория хызметкерлери. – Норма бузылған болыўы мүмкин. Төрт айдан көп даўам ететуғын рекорд орнатиў ушын Х-класс жаныў дәрежесине ерисиў керек. Бундай көрсеткиш еле анық емес. Қалаберди, ҳәзирги жағдайды көз бенен баҳалаў да қыйын. Сол себепли, ҳәзир Қуяшта толық көлемли системалы жарылыў жүз бермекте.

Жарылыў Жердеги геомагнит орталыққа шама менен сәршемби ямаса пийшемби күнинен баслап тәсир көрсете баслайды.

Лаборатория веб-сайтында усынылған мағлыўматқа бола, бүгин сегиз мәрте С категориялы ҳәм бир мәрте күшли М класындағы жарылыў жүз берген.

С.Раҳимов, ӨзА