Сенатта онлайн тәризде Өзбекстан Республикасы Олий Мажлиси Сенаты ҳәм Тәжикстан Республикасы Мажлиси милли Мажлиси Оли арасында бирге ислесиў бойынша парламентлераралық комиссияның биринши мәжилиси болып өтти.

Парламентлераралық сөйлесиў еки тәреплеме қатнасықларды беккемлеў ҳәм барлық тараўлардағы бирге ислесиўди кеңейтиўдиң нәтийжели қуралы сыпатында айрықша әҳмийетке ийе екени атап өтилди.

Комиссияның жумысы Өзбекстан ҳәм Тәжикстан арасындағы бирге ислесиўди және де тереңлестириў, биргеликтеги басламаларды әмелге асырыўда әҳмийетли қәдем екени атап өтилди.

Ерисилген келисимлер ҳәм қол қойылған келисимлердиң орынланыўы үстинен парламентлик қадағалаўды әмелге асырыў, сондай-ақ, еки мәмлекет арасындағы қатнасықларды буннан былай да беккемлеўге итибар қаратыў зәрүр екенлиги атап өтилди.

Н.Абдураимова, ӨзА